Kache Aam ka Murabba bnane ka tarika

آم کا مربہ بنانے کے لیے اجزا:

آم: آدھا کلو

چینی: آدھا کلو سے تھوڑی سی کم ہی جیسے چار سو گرام 

نمک: دو چٹکی

سرخ مرچ: ایک چٹکی

کالی مرچ: دو چٹکی

گرم مصالحہ: ایک چٹکی

سرکہ: چوتھائی کپ

سب سے پہلے آم دھو کے چھیل لیں 

پھر انہیں اپنی پسند کا کاٹ لیں۔ چاہے لمبا لمبا چاہے چھوٹے چھوٹے پیسز میں۔ 

اب جس برتن میں پکانا ہے ان کٹے ہوئے آموں کو اس برتن میں ڈال لیں۔اور اس میں چینی، نمک، سرخ مرچ، کالی مرچ اور گرم مصالحہ شامل کر لیں۔نیچے دی گئی تصویروں سے آپ مقدار دیکھ سکتے ہیں۔

اب ان سب کو چمچ سے اچھی طرح مکس کر کے ڈھانپ کے کم از کم ایک دن کے لیے سائیڈ پر رکھ دیں 

ایک دن کے بعد جب آپ دیکھیں گے تو چینی پگھل کے پانی کی شکل اختیار کر چکی ہو گی

اب آپ نے اس کو ہلکی آنچ پر پکانا ہے۔ ذیادہ ہلکی آنچ بھی نہ ہو اور تیز آنچ بالکل بھی نہیں کرنی اس سے جلنے کا امکان ہوتا ہے۔ کم از کم آدھا گھنٹہ پکانا ہے۔وقفے وقفے سے چمچ ہلاتے جائیں گے۔ پندرہ منٹ بعد تو پاس کھڑے ہو کے پکانا ہے اور تب ہی چیک بھی کر لینا ہے اگر آپ کو ترش ذائقہ پسند ہے تو آپ نمک مرچ مزید ڈال سکتے ہیں۔ 

آدھے گھنٹے بعد آگ بند کر دیں اور چوتھائی کپ سرکہ شامل کر کے اتار لیں۔ 

ٹھنڈا ہونے پر کسی بھی ڈبی میں ڈال کے فریج میں محفوظ کر لیں۔ آپ اسے میری طرح سحری کے وقت پراٹھے کے ساتھ بھی استعمال کر سکتے ہیں۔

صباحت رفیق

sabahatrafique09@gmail.com